ڈسٹرکٹ پبلک سیفٹی کمیشن سوات کا اجلاس کمیشن دفتر سیدو شریف میں منعقد

(باخبرسوات ڈاٹ کام)ڈسٹرکٹ پبلک سیفٹی کمیشن سوات کا اجلاس کمیشن دفتر سیدو شریف میں منعقد ہوا جس کی صدارت کمیشن کے چیئرمین جہانزیب نفیس ایڈوکیٹ نے کی۔ وائس چیئرپرسن حمیرا شوکت اور دیگر ممبران بھی شریک ہوئے۔ اجلاس میں مختلف عوامی درخواستوں پر کارروائی ہوئی۔ پولیس کے خلاف عوام کی طرف سے درج کی گئی شکایات پر فریقین کے دلائل سنے گئے۔ مختلف نوعیت کے 16 عوامی شکایات سنی گئیں جس میں سے تین موقع پر حل کی گئیں۔ 13 شکایات کے حل کے لئے مزید وقت دیا گیا۔