کانجو پولیس کی کارروائی، چور گرفتار،موبائل اور نقد رقم برآمد

(باخبر سوات ڈاٹ کام) کانجو پولیس نے چور کو گرفتار کرکے چوری کیے گئے موبائل اور نقد رقم برآمد کی۔ایس ایچ او انور خان کے مطابق گذشتہ روز ایاز علی کی دکان کے تالے کسی نے توڑ کر موبائل فون اور نقدی لے اڑے تھے۔ پولیس نے بروقت کارروائی کرکے ملزم عبدالرحمان ساکن کانجو کو گرفتار کرکے اس سے 6 عدد موبائل فون اور چوری شدہ پچاس ہزار روپے برآمد کرلئے۔