عمران خان کے حق میں فیصلہ پی ٹی آئی کی فتح ہے، فضل حکیم

(باخبر سوات ڈاٹ کام ) چیئرمین ڈیڈک ممبر صوبائی اسمبلی و صدر پاکستان تحریک انصاف سوات فضل حکیم نے کہا ہے کہ سپریم کورٹ کی جانب سے  عمران خان کے حق میںآنے والا فیصلہ تاریخی اہمیت کا حامل ہے۔ تاریخی فیصلہ تحریک انصاف کی عظیم فتح ہے۔ اپوزیشن کی طرف سے عمران خان کے خلاف آخری سازش بھی ناکام ہو گئی ہے۔ عوام نے عمران خان کے حق میں آنے والے فیصلے کا خیر مقدم کیا ہے اور صوبہ بھر میں جشن منایا جا رہاہے۔ ان خیالات کااظہار انہوں نے سپریم کورٹ آف پاکستان کی جانب سے چیئرمین عمران خان کے حق میں آنے والے فیصلے کی خوشی میں تشکر جلسہ سے خطاب کرتے ہوئے کیا۔ اس موقع پر تحریک انصاف کے ضلعی صدر فضل حکیم نے پی ٹی آئی کارکنوں اور عوام میں مٹھائیاں تقسیم کیں اور تحریک انصاف کے حق میں نعرے لگائے۔