بچہ پستول چل جانے سے جاں بحق

مٹہ(باخبر سوات ڈاٹ کام) سوات کی تحصیل مٹہ کے علاقہ شور میں 12سالہ بچہ پستول چل جانے سے جاں بحق ہوگیا۔ جاں بحق بچے حیدر علی ولد گل نواب کی والدہ نے پولیس کو بتایا کہ وہ اپنے دوسرے بیٹے کے ہمراہ باورچی خانہ میں موجود تھی کہ اس دوران کمرے سے فائر کی آواز آئی۔ جب وہ کمرے میں گئے، تو ان کا بیٹا حیدر علی مردہ حالت میں پڑا تھا۔ پولیس نے رپورٹ درج کرکے دریافت کا عمل شروع کر دیا۔