فیض آباد، گذشتہ 6 ماہ سے پانی نایاب، کربلا کی یاد تازہ

سوات (باخبر سوات ڈاٹ کام) مینگورہ کے نواحی علاقے فیض آبادمیں گذشتہ چھے ماہ سے پانی ناپید ہونے کے خلاف مکینوں نے واسا کے خلاف احتجاجی مظاہر ہ کیا اور نعرے بازی کی۔ مظاہرین کا مؤقف تھا کہ نور محلہ میں گذشتہ چھے مہینوں سے پانی نایاب ہے اورعلاقے کے مکین دور دور سے پانی لانے پر مجبور ہیں۔ باعزت خواتین پانی کے لئے خوار ہورہی ہیں اور سروں پرپانی ڈھونے پر مجبورہیں۔ انہوں نے ڈیڈک چیئرمین فضل حکیم اور دیگر اعلیٰ حکام سے پانی کا مسئلہ حل کرنے کا مطالبہ کیا۔