شادی شدہ خاتون، شوہر اور دیور کے ہاتھوں قتل

(باخبر سوات ڈاٹ کام) سوات کی تحصیل کبل کے علاقہ اشاڑے تھانہ شاہ ڈھیرئی میں 33 سالہ شادی شدہ خاتون کو شوہر اور دیور نے فائرنگ کرکے قتل کردیا۔ ایس ایچ او تھانہ شاہ ڈھیرئی الطاف حسین کے مطابق مسماۃ کشور بیگم کو گھر میں فائرنگ کرکے قتل کیا گیا۔ مقتولہ کے شوہر نے حاجی نواب نامی شخص پر دعویداری کی لیکن پولیس کی کچھ گھنٹوں کی تفتیش کے بعد معلوم ہوا کہ مقتولہ کو اس کے شوہر عمران اور دیور اسلام نے فائرنگ کرکے قتل کیا ہے۔ دونوں کو گرفتار کرکے آلۂ قتل بھی برآمد کیا گیا۔ ملزمان نے ابتدائی رپورٹ میں بتایا کہ مقتولہ کے حاجی نواب نامی شخص کے ساتھ تعلقات تھے جس کی وجہ سے اس کو قتل کیا گیا