عبداللہ بھارتی جیل سے چھوٹ کر مینگورہ پہنچ گیا

سوات (باخبرسوات ڈاٹ کام)   بھارتی جیل میں 22 ماہ قید رہنے کے بعد رہائی پانے والا مینگورہ سوات کا 22 سالہ عبداللہ اپنے گھر پہنچ گیا۔ عبداللہ 25 مئی 2017ء کو واہگہ بارڈر پر پریڈ کے دوران انڈین اداکار شاہ رخ خان اور کاجول سے ملاقات کے لئے بھارتی حدود میں داخل ہوگیا تھا، جس پر اس کو گرفتار کیا گیا تھا۔ عبداللہ کے مطابق پہلے وہ بھارتی بارڈر سیکورٹی فورس کے پاس تھا جس کے بعد اس کو ایک پولیس سٹیشن منتقل کیا گیا جہاں سے اس کو سنٹرل جیل امرتسر منتقل کیا گیا۔ رہائی کے بعد گھر پہنچنے پر رشتہ داروں، دوستوں اور محلہ داروں نے ان کا استقبال کیا ۔