ٹوورسٹ انٹری فیس کی آڑ میں سیاحوں سے لوٹ مار جاری

(باخبر سوات ڈاٹ کام)مدین میں ٹورسٹ انٹری فیس کے نام پر عید کی چھٹیوں میں آنے والے سیاحوں کو بے دردی کے ساتھ لوٹا گیا۔ سیاحوں کے ساتھ ٹھیکیدار کے غنڈہ نما کارندوں نے ہاتھا پائی بھی کی۔ ٹی ایم اے بحرین نے چند لاکھ روپے کے عوض ایک سال کے لئے ”ٹورسٹ انٹری فیس“ کے نام پر ایک ٹھیکہ دیا ہے اور عید کے دنوں میں آنے والے بیشتر سیاحوں سے ٹھیکیدار کے کارندوں نے دس روپے کے بجائے سو روپے وصول کئے۔ جن سیاحوں نے پرچی پر لکھے گئے فیس کے بارے میں پوچھا تو ٹھیکدار کے کارندوں نے سیاحوں سے ہاتھا پائی اور بدتمیزی کی۔ عوامی حلقوں نے وزیر اعلیٰ، کمشنر، ڈپٹی کمشنر اور تحصیل ناظم سے مطالبہ کیا ہے کہ فوری طور پر اس ٹھیکہ کومنسوخ کرکے سیاحوں کو سہولیات دی جائیں۔