مینگورہ، ٹھیکیدار مصروف روڈ پر روڑہ ڈال کر غائب

سوات   (باخبر سوات ڈاٹ کام)  مینگورہ میں دوجنگی چوک سے سہراب خان چوک تک ٹھیکدار روڑہ ڈال کر غائب ہوگیا۔گرد وغبار سے تاجروں کا جینا محال ہوگیا۔ٹریفک نظام بھی درہم ہوگیا۔علاقہ تاجروں نے احتجاج کی دھمکی دے دی۔ مینگورہ میں این ایچ اے کی جانب سے جی ٹی روڈ کے تعمیراتی کام کے دوران دوجنگی چوک سے لیکر سہراب خان چوک تک روڈ کی تعمیر کے دوران ٹھیکدار روڑہ ڈال کر غائب ہوگیا ہے۔روڈ پر گردوغبار اور دھول مٹی سے تاجروں کا جینا محال ہوگیا ہے اور لوگوں کو آمدورفت میں بھی مشکلات کا سامنا ہے۔ٹھیکدار کی جانب سے پانی کا چھڑکاؤ بھی نہیں کیا جاتاجس کی وجہ سے تاجر اور عام لوگ بہت پریشان ہیں۔