سوات (باخبر سوات ڈاٹ کام) سوات گھی اینڈ آئل ایسوسی ایشن کے صدرحاجی عثمان علی نے کہاہے کہ گھی کی قیمتوں میں اضافے اور بیروزگاری کے باعث ان کا کاروبار 50فیصد تک ختم ہوکر رہ گیا ہے۔ عوام کی قوتِ خرید جواب دینے کے باعث دکانداروں کو لاکھوں روپے کا نقصان ہورہا ہے۔ پرچون فروش بھی اُگرائی دینے سے قاصر ہیں۔ بڑھتے کرایوں اور مہنگائی نے رہی سہی کسر پوری کردی ہے۔ میڈیا سے گفتگو کرتے ہوئے حاجی عثمان علی نے کہاکہ آئے روز نت نئے ٹیکسوں کے نفاذ اور قیمتوں میں اضافے کے بعد کاروبارٹھپ ہوکر رہ گیا ہے۔ مینگورہ شہر کی مارکیٹ میں گھی اور کوکنگ آئل کے تاجر کاروبار ختم کرنے پر مجبور ہورہے ہیں۔
سوات گھی اینڈ آئل ایسوسی ایشن کا سوات میں کاروبار ٹھپ ہوکر رہنے کا اعتراف
