سوات (باخبر سوات ڈاٹ کام) ملاکنڈ ڈویژن میں عطائیت کے مکروہ دھندے میں ملوث عطائیوں کے خلاف جاری آپریشن کلین اَپ کے تحت خیبر پختونخوا ہیلتھ کیئر کمیشن کی ٹیم نے گذشتہ روزرحیم آباد،مینگورہ اور بابوزئی کے دیگر علاقوں میں موجود نجی صحت مراکز کا اچانک معائنہ کیا۔ معائنے کے دوران ہومیو ڈاکٹر محمد نواز کو ایلوپیتھک پریکٹس میں مصروف پانے پر اس کا کلینک ابوبکر میڈیکل سینٹر، ڈسپنسر زمان کا غیرقانونی زمان میڈیکل سینٹر اور لیبارٹری، حبیب اللہ خود ساختہ ڈاکٹر بن کر کلینک چلا رہا تھا، مگر متعلقہ دستاویزات دکھانے میں ناکا می پر حبیب ہیلتھ کلینک، عطائی عدالت خان کے پی ایم ڈی سی کی رجسٹریشن مہیا کرنے میں ناکامی پر عدالت خان ہیلتھ کلینک، صحت دشمن ماحول میں غیر متعلقہ اور نان کوالیفائیڈ شخص کی لیبارٹری چلانے پر حسین کلینکل لیبارٹری اور نان کوالیفائیڈ مسٹر شبیر کی ریڈیالوجی خدمات فراہمی پر شاہدرہ ایکسرے کو سیل کرکے بند کیا گیا۔
سوات، عطائیوں کے خلاف آپریشن کلین اَپ جاری، کئی نجی صحت مراکز سیل
