سوات (باخبر سوات ڈاٹ کام) وزیراعلیٰ خیبرپختونخوا محمودخا ن کی طرف سے سوات کے دونوں بڑے ہسپتالوں کو جدید طبی سہولیات سے آراستہ کرنے کے لئے 1400 ملین روپے ریلیز کردیے گئے۔ اس سلسلے میں سیدوگروپ آف ہاسپٹلز کے چیف ایگزیکٹیو ڈاکٹر اسرارالحق، ایم ایس ڈاکٹرگلشن حسین فاروقی، اورڈی ایم ایس ڈاکٹرملک سعداللہ خان نے میڈیا کو بتایاکہ میڈیکل کالج کی نئی بلڈنگ کے لئے وزیراعلیٰ نے دوکروڑ پچاس لاکھ کافنڈ ریلیز کیاہے۔ آڈیٹوریم اور رہائشی منصوبہ کیلئے سات سو ملین روپے جاری کیے گئے ہیں۔نرسنگ ہاسٹل، سٹوڈنٹس ہاسٹل اور آڈیٹوریم بھی شامل ہے۔ انہوں نے کہا کہ کالج میں کانووکیشن جو کہ 10 برس بعد منعقدہوا،اب ہردوسال بعد منعقد کریں گے۔انہوں نے کہا کہ ہسپتال کی نئی بلڈنگ کیلئے وزیراعلیٰ نے ایک بلین روپے جاری کیے ہیں۔ آئندہ دومہینوں میں کام شروع ہوگا۔ ایمرجنسی کے لئے الگ آپریشن تھیٹر بھی ہے جو 24گھنٹے فعال ہوتا ہے۔ انہوں نے کہا کہ 100 نرسنگ سٹاف بھی بھرتی کیا جارہا ہے۔ انہوں نے کہا کہ فیزII جوکہ 700 بستروں پرمشتمل ہسپتال ہے، کوسی پیک کے حوالہ کیاگیاہے۔ انہوں نے کہا کہ اَب یہاں دونوں بڑے ہسپتالوں میں لوگوں کو جدید تقاضوں کے مطابق طبی سہولیات فراہم کی جارہی ہے۔
وزیراعلیٰ خیبرپختونخوا کی طرف سے سوات کے ہسپتالوں کے لئے 1400 ملین جاری
