یک نہ شد دو شد، ملم جبہ میں جیپ کو نکالنے والا کرین بھی گر گیا

(باخبر سوات ڈاٹ کام)ملم جبہ میں گرنے والے جیپ کو نکالنے والا کرین بھی ٹائر پھسلنے سے گر گیا۔ گذشتہ روز ملم جبہ میں ایک ٹی زیڈ جیپ جو بغیر چین کے جارہا تھا، پھسل کر کھائی میں گرگیا، تاہم درختوں میں پھنسنے کی وجہ سے جیپ میں موجود افراد زخمی نہیں ہوئے۔ ان کو پولیس اور مقامی لوگوں نے بحفاظت نکال لیا۔ جیپ کو سڑک پر لانے کے لئے کرین کو لایا گیا، تاہم وہ بھی پھسل کر کھائی میں گر گیا۔ تاہم ڈرائیور زخمی ہونے سے بچ گیا۔ واقعہ کے وقت ایک سیاح نے حادثات کی ویڈیو بنائی اور سوشل میڈیا پر شیئر کی جو لاکھوں افراد نے دیکھی۔