سوات (باخبر سوات ڈاٹ کام) سوات میں کانجو ٹاؤن شپ میں امن وامان کی ابترصورت حال اور دیگرمسائل کے حل میں ایس ڈی ڈی اے کی عدم دلچپسی کے خلاف نمائندہ جرگہ کمشنر ملاکنڈ ڈویژن کے دفتر پہنچ گیا۔ جرگہ کی قیادت ڈاکٹر احسان اللہ کررہے تھے جبکہ اس موقع پر اقبال علی خان،اسسٹنٹ کمشنر (ر)بحرکرم خان،غالب میاں،ڈاکٹر فضل محمد اور حمیدالدین ایڈووکیٹ بھی موجود تھے۔وفد نے کمشنر ملاکنڈ ڈویژن ریاض خان محسود کو کانجو ٹاؤن شپ کے مکینوں کو درپیش مسائل کے حوالے سے آگاہ کیا۔ کمشنر ملاکنڈڈویژن ریاض خان محسود نے جرگہ کو یقین دلایا کہ اس ضمن میں انتظامیہ ہر ممکن اقدامات اٹھائے گی۔
کانجو ٹاؤن شپ میں مسائل کا انبار، جرگہ کمشنر ملاکنڈ ڈویژن کے دفتر پہنچ گیا
