خواگہ کلی وال تنظیم کوکاری کے مشاورتی کونسل کا اجلاس

(باخبر سوات ڈاٹ کام)خواگہ کلی وال تنظیم وادئی کوکاری کے مشاورتی کونسل کا اجلاس منعقد ہوا۔ اجلاس میں تنظیم کی جانب سے موجودہ صورتحال میں مستحق خاندانوں تک خوراک کی تقسیم اور طریقہئ کار پر اطمینان کا اظہار کیا گیا۔رمضان المبارک کے دوران علاقے کے غریب اور بے روزگارطبقہ سمیت مدرسہ میں رہنے والے بے یار و مددگار طلبہ کے لئے مناسب خوراک کی فراہمی کی تجویز پر تفصیلی غور و خوص کیا گیا۔ طے پایا کہ تنظیم رمضان المبارک میں روزانہ کی بنیاد پر لگ بھگ سو مستحق گھروں کو تیار متوازن غذا ان کے گھروں کی دہلیز اور مدرسہ تک پہنچانے کے لئے لائحہ عمل ترتیب دے گی،تاکہ یہ طبقہ بدحالی کے ان اوقات میں مزید جسمانی کمزوری کا شکار نہ ہو۔