سوات، طوفانی بارش و ژالہ باری کا سلسلہ جاری، باغات و فصلوں کو نقصان

سوات (باخبر سوات ڈاٹ کام)    سوات میں چوتھے روز بھی طوفانی بارش کا سلسلہ جاری رہا۔ پیر کو بھی دن بھر مطلع ابر آلود رہنے کے بعد سہ پہر کو تیز ہوا ؤں کے ساتھ طوفانی بارش کا سلسلہ شروع ہوا جو شام تک جاری رہا۔ بارش کے ساتھ مختلف علاقوں میں ژالہ باری سے پھلوں کے باغات اور فصلوں کو نقصان پہنچا۔ مختلف علاقوں میں ندی نالے ابل پڑے جس کی وجہ اکثر سڑکوں پر پانی جمع ہوا اور ٹریفک معطل رہی۔