سوات (باخبر سوات ڈاٹ کام) محکمہ صحت سوات نے صوبائی حکومت اور سوات کے عوام کو ماموں بنادیا۔ گذشتہ روز سوات میں نو اضلاع کے کورونا مریضوں کے لئے بنائے گئے لیب کے کچھ اہلکاروں میں کورونا وائرس کی تصدیق کے بعد محکمہ صحت نے لیب بند کردی اور گذشتہ روز میڈیا کو جاری کئے گئے رپورٹ میں کہا گیا کہ سوات میں گذشتہ چوبیس گھنٹوں کے دوران کورونا وائرس کا کوئی کیس سامنے نہیں آیا۔ اس سلسلے میں ڈی ایچ او نے رابطہ پر میڈیا کو بتایا کہ لیب میں جراثیم کش اسپرے(Fumigation)کیا گیا ہے، جس کی وجہ سے لیب کو 48گھنٹوں کے لئے بند کردیا گیا ہے۔ گذشتہ روز سوات میں محکمہ صحت کے اعلان کے مطابق کوئی نیا کیس سامنے نہ آنے پر لوگوں نے خوشی کا اظہار کیا حالانکہ ہسپتال انتظامیہ کے مطابق اسی دن ایک سے ذائد افراد کورونا وائرس سے ہسپتال میں انتقال کر گئے لیکن لیب بند ہونے اور ان کے ٹیسٹ نہ ہونے کی وجہ سے ان کی تصدیق نہیں ہوسکے گی۔اتوار کو جب لیب بند ہونے کی خبر لوگوں کو پہنچی تو لوگ پہلے سے زیادہ پریشانی میں مبتلا ہوگئے۔
محکمہ صحت سوات نے صوبائی حکومت، عوام کو ماموں بنادیا
