انٹرمیڈیٹ سالانہ امتحانات، ایس پی ایس کالج نے میدان مار لیا

(باخبر سوات ڈاٹ کام)سوات تعلیمی بورڈ نے انٹرمیڈیٹ کے سالانہ امتحانات کے نتائج کا اعلان کردیا۔ایس پی ایس کالج کی طالبات مروہ اور سیدہ مناہل نے 1041 نمبر لے کر پہلی پوزیشن حاصل کرلی۔ ایس پی ایس ہی کی ہانیہ خان نے 1039 نمبر لے کر دوسری پوزیشن حاصل کرلی۔ڈگری کالج مینگورہ کے شہباز خان نے 1035 نمبر لے کر تیسری پوزیشن حاصل کرلی۔مجموعی طور پر 22440 طلبہ و طالبات نے امتحان میں حصہ لیا۔ چیئر مین سوات بورڈکے مطابق حکومتی پالیسی کے تحت تمام طلبہ وطالبات پاس قراردیا گیاہے جس کی وجہ سے نتیجہ 100 فیصد رہا۔گیارہویں جماعت کے طلبہ وطالبات کو بھی پاس قرار دیا گیا۔