(باخبر سوات ڈاٹ کام)تحصیل کبل کے علاقہ دیولئی میں بجلی کا مین تار مزدوروں پر گرنے سے ایک جاں بحق اور دوسرا جھلس کر شدید زخمی ہوگیا۔دونوں مزدور بازار میں ٹرک سے سیمنٹ اتار رہے تھے کہ اوپر سے ان پر بجلی کا مین تار گر گیا۔ نتیجے میں دوست محمد خان موقع پر جھلس کر جاں بحق اور سلمان شدید زخمی ہوگیا، جس کو ابتدائی طبی امداد کے بعد تشویشناک حالت میں پشاور کے ہسپتال منتقل کردیا گیا۔ واقعہ کے خلاف اہلِ علاقہ اور تاجروں نے احتجاج کیا اور ذمہ دار افراد کی گرفتاری اور بوسیدہ تاروں کو تبدیل کرنے کا مطالبہ کیا۔
کبل دیولئی، بجلی کا مین تار مزدوروں پر گرگیا، ایک جاں بحق،دوسرا زخمی
