ایم پی اے کے ہاتھوں مسلم ہینڈ کا دیا گیا موسمِ سرما کا پیکیج مستحق افراد میں تقسیم

(باخبر سوات ڈاٹ کام) وزیر اعلیٰ کے فوکل پرسن اور ایم پی اے میاں شرافت علی خان نے ”مسلم ہینڈ“ کی جانب سے مستحق افراد میں موسم سرما کا پیکیج تقسیم کردیا، جس میں گرم کپڑے، بستر اور ہائی جین کٹس شامل تھے۔ انہوں نے یتیم بچوں میں سکول کی کتابیں کاپیاں اور بیگ بھی تقسیم کیں۔ اس موقع پر انہوں نے مسلم ہینڈز کا شکریہ ادا کیا کہ وہ 2012ء سے ان سرد علاقوں میں کارِ خیر کر رہے ہیں۔