پشاور ہائی کورٹ مینگورہ بینچ کے حکم پر ملم جبہ کے لیے انٹری فیس ختم

(باخبر سوات ڈاٹ کام)پشاورہائی کورٹ مینگورہ بینچ نے وادیِ ملم جبہ میں انٹری فیس 300 روپے کو ختم کرکے حکم امتناعی جاری کردیا۔ ڈویژن بنچ نے وکلا کے دلائل مکمل ہونے کے بعد فیصلہ سناتے ہوئے ملم جبہ میں سمسن گروپ کو انٹری فیس 300 روپے کی وصولی سے اگلی تاریخ پیشی تک منع کردیا ہے۔یاد رہے کہ وادیِ ملم جبہ میں سیاحوں اور مقامی افراد سے انٹری فیس کے سلسلے میں 300 روپے کی وصول ہوتی تھی جس پر عدالت میں رٹ پٹیشن دائرکیا گیا تھا، جس پر عدالت عالیہ نے اگلی تاریخ تک انٹری فیس وصولی پر حکم امتناعی جاری کردیا ہے۔ اگلی تاریخ تک کوئی فیس وصول نہیں کی جائے گی۔