(باخبرسوات ڈاٹ کام)سوات میں کورونا وائرس پھیلنے میں تیزی بدستور جاری ہے۔ سیدو شریف ہسپتال میں کورونا کے مزید 3 مریض انتقال کرگئے۔ محکمہئ صحت کے مطابق سوات میں کورونا سے جاں بحق افرادکی تعداد 284 ہوگئی۔ مزید 24 کورونا کے مریضوں کو ہسپتال میں داخل کیا گیا، جس کے ساتھ متاثرہ مریضوں کی تعداد 7563 ہوگئی۔ روزانہ کی بنیاد پر متاثرہ افراد کی شرح بڑھ کر 11 فیصد ہوگئی۔ ہسپتال سے مزید 22 مریضوں کو صحت یاب ہونے کے بعد ڈسچارج کردیا گیا، جس کے بعد صحت یاب افراد کی تعداد 6780 ہوگئی۔ اس وقت سوات میں کورونا سے متاثرہ فعال مریضوں کی تعداد 536 ہے۔ 686 مشتبہ افراد کے ٹیسٹ نتائج کا انتظار ہے۔ سیدو شریف تدریسی ہسپتال میں اس وقت کورونا سے متاثرہ 110 مریض زیرِ علاج ہیں۔
سیدو شریف ہسپتال میں کورونا سے مزید 3 مریض انتقال کرگئے
