(باخبر سوات ڈاٹ کام)سوات میں ٹریفک پولیس نے کم سن موٹرسائیکل سواروں اور گاڑی پر خودساختہ نمبرپلیٹ اور پریشرہارن لگانے والوں کے خلاف کریک ڈاؤن کا آغاز کردیا۔درجنوں کم سن موٹرسائیکل سواروں کوگرفتار کرلیا گیا۔ ٹریفک پولیس کے انچارج انسپکٹر شکیل احمد کی نگرانی میں ضلع بھر میں ٹریفک پولیس نے آپریشن کرتے ہوئے تیز رفتاری اور ون وہیلنگ کرنے والے کم سن اورغیر لائسنس یافتہ موٹرسائیکل سواروں کے خلاف کریک ڈاؤن کرتے ہوئے درجنوں نوجوانوں کو حراست میں لے کر ان کی موٹرسائیکلوں کو بندکردیا ہے۔ پولیس نے گاڑیوں پر خودساختہ نمبر پلیٹ کے خلاف بھی کارروائی کی۔ سیکڑوں گاڑیوں سے نمبر پلیٹ اتاردیے گئے۔ انسپکٹر شکیل احمد نے بتایا کہ انہوں نے کارروائی ٹریفک قوانین کی دھجیاں اڑانے اور بڑھتے ہوئے ٹریفک حادثات کے پیشِ نظر کی ہے، تاکہ مزید نوجوانوں کی جان بچائی جاسکے۔
سوات، کم سن ڈرائیور، خود ساختہ نمبر پلیٹ اور پریشر ہارن کے خلاف کریک ڈاؤن کا آغاز
