ملم جبہ اسکی ریزورٹ انتظامیہ نے بھی یومِ آزادی منایا

(باخبر سوات ڈاٹ کام)ملم جبہ میں اسکی ریزورٹ انتظامیہ نے جشن آزادی کے موقع پر پولیس کی قربانیوں کے اعتراف میں پولیس گیسٹ ہاؤس کا سنگ بنیادرکھ دیا۔ ملم جبہ میں یومِ آزادی کے حوالے سے تقریب کاانعقاد بھی کیا گیا،جس میں سکول کے بچوں، سیاحوں اور سوات پولیس کے جوانوں نے شرکت کی۔اس موقع پر ڈی آئی جی عبدالغفور آفریدی نے بطور مہمان خصوصی شرکت کی ا ور سمسنز گروپ کی جانب سے قائم کئے جانے والے پولیس گیسٹ ہاؤس کا سنگ بنیاد رکھ دیا۔