(باخبر سوات ڈاٹ کام) تحصیل کبل کے علاقہ کوزہ بانڈئی میں دریائے سوات میں غیر قانونی کھدائی اور بجری نکالنے والے سات افراد کو گرفتار کرلیا گیا۔ اسسٹنٹ کمشنر کبل سید عامر علی شاہ نے ایک اطلاع پر آدھی رات کو چھاپا مارا جہاں سات افراد ایکسکویٹر سے دریا میں کھدائی کرکے بجری ٹرکوں میں لوڈ کرکے لے جارہے تھے۔ اس بنا پر ساتوں افراد کو گرفتار کرکے پولیس کے حوالے کردیا گیا اور گاڑیاں قبضے میں لے لی گئیں۔
