سوات، دو شوہروں نے دارالامان سے بیویوں کو لے جاکر قتل کردیا

(باخبر سوات ڈاٹ کام)سوات میں دو مختلف واقعات میں دو شوہروں نے دارالامان سے بیویوں کو لے جاکر قتل کردیا۔ تھانہ خوازہ خیلہ کی حدود میں واقع علاقہ شین میں 29 سالہ مسماۃ(ع) نے شوہر کے مظالم سے تنگ آکر دارلامان میں پناہ لی تھی۔ گذشتہ روز شوہر ملزم محمد نواب نے بیوی کو راضی کیا اور دارالامان سے شخصی ضمانت پر گھر لے جاکر فائرنگ کرکے قتل کردیا۔ پولیس کے مطابق انہوں نے ملزم کو گرفتار کرکے مقدمہ درج کردیا۔ایک اور واقعہ میں تھانہ منگلور کی حدود میں واقع علاقہ کڈونہ میں بھی 23 سالہ مسماۃ (ا) اپنے شوہر جمدالی کی تشدد سے تنگ آکر دارالامان میں پناہ لی تھی۔ شوہر نے وہاں پر گذشتہ روز اس کو راضی کرکے شخصی ضمانت پر گھر لے جاکر فائرنگ کرکے قتل کردیا۔ ملزم اہلِ خانہ سمیت گھر چھوڑ کر فرار ہوگئے۔ پولیس نے مقدمہ درج کرکے ملزم کی تلاش شروع کردی۔