دہشت گرد دوبارہ منظم اور بھتاخوری عام ہورہی ہے، میاں افتخار حسین

(باخبر سوات ڈاٹ کام) اے این پی کے مرکزی جنرل سیکرٹری میاں افتخار حسین نے کہا ہے کہ ملاکنڈڈویژن میں ٹیکس کے نفاذ کی تیاریاں کرلی گئی ہیں۔ تجاوزات کی آڑ میں سوات کے سیاحتی مقامات کو تباہ کیا جارہا ہے۔ دورہئ سوات کے دوران پریس کانفرنس سے خطاب کرتے ہوئے انہوں نے کہا کہ افغانستان میں اقوامِ عالم نے نیا کھیل شروع کررکھا ہے۔ ہم افغانستان میں امن کے خواہاں ہیں۔ افغانستان کو فیصلوں میں اختیار اور خوراک کا انتظام کیا جائے۔پاکستان میں دہشت گرد دوبارہ منظم اور بھتاخوری عام ہورہی ہے۔لگتا ہے عمران نیازی کا لاڈ اب نہیں رہا۔ اس وقت فیصلے جادو منتر پر چلنے لگے ہیں۔ ملک میں آئین کی بالادستی ہو، تو ملک میں استحکام آئے گا۔ پاکستان کی اقتصادی پالیسی اس وقت آئی ایم ایف کے ہاتھ میں ہے۔ بداعتمادی کے آثار بتارہے ہیں کہ حکومت وقت سے پہلے ختم ہوگی۔اگر حکومت، وقت پوری بھی کرے، تو یہ حکومت ناجائز ہی رہے گی۔