سیلابی ریلے میں پل بہنے سے پالیر باقی ماندہ ملک سے کٹ کر رہ گیا

(باخبر سوات ڈاٹ کام) حالیہ سیلاب میں کالام کے علاقہ پالیر کو دیگر علاقوں سے ملانے والا واحد پل پانی میں بہہ گیا ہے جس کی وجہ سے پالیر کے ہزاروں افراد پر مشتمل آبادی کا دیگر علاقوں سے رابطہ منقطع ہوگیا ہے۔ مقامی لوگوں کے مطابق علاقہ کے لوگ دریائے سوات پر تعمیر شدہ واحد پل پر دیگر علاقوں اور خاص کر بازار سے سودا لینے جاتے تھے، لیکن26 اگست کو پل کے بہہ جانے کے بعد تمام رابطے منقطع ہوگئے ہیں۔ اب علاقے میں غذائی قلت پیدا ہوگئی ہے اور خاص کر بیمار لوگ مجبوراً گھروں میں پڑے ہیں۔ اہلِ علاقہ نے حکومت سے مطالبہ کیا ہے کہ پالیر کو ملانے کے لئے عارضی پل تعمیر کیا جائے، تاکہ لوگوں کی پیدل آمد ورفت بحال ہوسکے اور لوگ اپنے لئے خوراک کا انتظام کر سکیں۔