(باخبر سوات ڈاٹ کام) ڈسٹرکٹ پولیس آفیسر شفیع اللہ گنڈاپور نے چوکی ڈَڈَھرہ کا اچانک دورہ کیا۔ دورے کے دوران ڈی پی او سوات نے چوکی کے تمام چیک پوائنٹ کے اطراف میں سیکورٹی صورتحال اور انتظامات کا جائزہ لیا۔ انہوں نے ڈیوٹی پر موجود پولیس اہلکاروں سے ملاقات کی اور سیکورٹی انتظامات کے تناظر میں مناسب ہدایات جاری کرتے ہوئے کہا کہ موجودہ ملکی صورتحال کے پیشِ نظر ملک دشمن و جرائم پیشہ عناصر، مشکوک اور اجنبی افراد کی نقل وحرکت پر کھڑی نظررکھیں۔ انہوں نے اہلکاروں پر زور دیا کہ وہ اپنے تحفظ کی خاطر بلٹ پروف جیکٹ اور ہیلمٹ لازمی استعمال کریں۔ انہوں نے اہلکاروں پر زور دیا کہ وہ اپنی اور عوامی تحفظ کو یقینی بنانے کے لیے ہمہ وقت چوکنا رہتے ہوئے اپنے پیشہ ورانہ فرائضِ منصبی ایمان داری اور جانفشانی سے سرانجام دیں۔
ڈی پی او سوات شفیع اللہ گنڈا پور کاڈَڈَھرہ چوکی کا اچانک دورہ
