ڈی پی او آفس سوات میں ٹریفک بارے یک روزہ سیمینار کا انعقاد

(باخبر سوات ڈاٹ کام) ضلعی پولیس سربراہ کیپٹن(ر)واحد محمود کی جانب سے(پہلے سلام پھر کلام )کے حوالے سے ڈی پی او آفس سوات میں ایک روزہ سمینارکا انعقادکیاگیا جس سے خطاب کرتے ہوئے انہوں نے کہاکہ وارڈن شہریوں کے ساتھ پہلے سلام پھر کلام کریں۔ ٹریفک وارڈن پولیس کے جوانوں آپ کی سب سے پہلی ذمہ داری مین روڈ اورسروس روڈپر غلط پا رکنگ کا خاتمہ ہے۔ انہوں نے کہا کہ ڈرائیور حضرات کو ہاتھ کے مہذب اشاروں سے سیٹ بیلٹ باندھنے کی ہدایت کریں۔ اگر کوئی ڈرائیور ٹریفک اہلکار کے اشارے یا خود کارٹریفک سگنل کی خلاف ورزی کرے تو یہ بالکل نا قابل معافی جرم ہے اور اس ڈرائیورکومتعلقہ کوڈ میں چالان لازمی دیں، جو ڈرائیورگاڑی کی چھت یاپائیدان پر سواریاں لے جا رہی ہوں، ان کو روک کر زائد سواریاں گاڑی سے اتاریں۔ سواریوں کے لئے متبادل بندوبست کریں اور متعلقہ ڈرائیور کو قانون کے مطابق چالان دیں۔ موبائل فون استعمال کرنے والے ڈرائیور کو فورا اور اخلاق کے ساتھ چالان کریں