گورنمنٹ گرلز پرائمری سکول باچا کلے، سیکڑوں طالبات کے لیے ایک استانی تعینات

(باخبر سوات ڈاٹ کام) سوات کی تحصیل کبل کے علاقہ باچا کلے میں سیکڑوں طالبات کے گورنمنٹ گرلز پرائمری سکول میں صرف ایک استانی تعینات ہونے کا انکشاف ہوا ہے۔ ایک استانی چھے کلاس رومز میں موجود سیکڑوں طالبات کو پڑھانے پر مجبور ہے۔اس سکول کی چھے کلاسوں میں کل 250 سے زائد طالبات زیر تعلیم ہیں جن کے لئے صرف ایک استانی ہے۔ اہل علاقہ کے مطابق ایک استانی ہونے کی وجہ سے وہ تمام سیکڑوں طالبات کو نہیں پڑھاسکتی، جس کی وجہ سے طالبات کی پڑھائی متاثر ہونے کا خدشہ ہے۔ اہلِ علاقہ نے صوبائی حکومت سے مطالبہ کیا ہے کہ سکول میں مزید استانیوں کو تعینات کیا جائے، تاکہ علاقہ کی بچیاں زیور تعلیم سے آراستہ ہوسکیں