سوات(باخبر سوات ڈاٹ کام) امیر جماعت اسلامی ضلع سوات و جنرل سیکرٹری ایم ایم اے سوات محمدامین نے کہا کہ سوات اور دیگر علاقوں کے لئے ٹیکس سے استثنا پانچ سال کی بجائے دس سال کردیا جائے۔ملاکنڈ ڈویژن کے لئے فوری طور پر ترقیاتی پیکیج کا اعلان کیا جائے۔فاٹا، پاٹا خاتمہ مستحسن اقدام ہے۔اس سے قبائلی اور مالاکنڈڈویژن کے عوام پورے ملک کے عوام کی طرح قانونی اور آئینی دائرہ کار میں شامل ہوجائیں گے۔ان خیالات کااظہار انہوں نے ایک بیان میں کیا ۔ انہوں نے مزید کہا کہ یہاں کے عوام پر ٹیکس کا نظام لاگو کرنے سے پہلے عوام کی معیار زندگی بہتر کرنے کے لئے خصوصی ترقیاتی پیکیج کا اعلان کیا جائے ۔تاکہ یہاں کی تباہ حال معیشت کو سہارا مل سکے اور عوام کوترقی کی مواقع میسرآجائیں
سوات اور دیگر علاقوں کے لئے ٹیکس سے استثنا دس سال کردیا جائے
