سوات (باخبر سوات ڈاٹ کام) مینگورہ شہر میں ڈاکوؤں کے ایک گروہ نے اپنے آپ کو فوجی ظاہر کرکے گھروں کو لوٹنا شروع کردیا۔ تھانہ مینگورہ کے بارامہ چوکی کی حدود میں بھی گذشتہ روز چند ڈاکوؤں نے گھر میں داخل ہوکر اہلِ خانہ کو یر غمال بنایا اور ان کو کہا کہ ہم فوجی ہیں۔ اسلحہ کی نوک پر اہلِ خانہ کو ایک کمرہ میں بند کرکے گھر سے نقدی اور زیورات لے اڑے، جس کی رپورٹ بارامہ پولیس چوکی میں درج کرادی گئی ہے۔ اس طرح کے مزید واقعات کی اطلاع بھی ہے لیکن لوگ عزت بچانے کی خاطر پولیس میں رپورٹ درج نہیں کرارہے۔ ان واقعات کی وجہ سے شہر کے لوگوں میں خوف و ہراس پھیل گیا ہے ۔
خود کو فوجی ظاہر کرنے والا ڈاکوؤں کا منظم گروہ سرگرم
