سوات (باخبرسوات ڈاٹ کام) تحریک انصاف ضلع سوات کے جائنٹ سیکرٹری اور یونین کونسل نویکلے مینگورہ کے ضلعی کو نسلر شوکت علی نے تحریک انصاف کے ضلعی عہدہ سے احتجاجاً استعفا دے دیا۔ عنقریب وہ بنیادی رکنیت سے بھی استعفا دیں گے۔ اپنے ایک بیان میں انہوں نے کہا کہ وہ عوامی خدمت گار ہیں لیکن ان کی صوبائی حکومت اور اراکین اسمبلی عوامی خدمت کی بجائے ذاتی کاموں میں مصروف ہیں۔ وہ عمران خان کی پالیسیوں کے برعکس چل رہے ہیں جس کی وجہ سے دل برداشتہ ہوکر انہوں نے پارٹی عہدہ سے استعفا دیا ہے۔
ضلعی کو نسلر شوکت علی تحریک انصاف کے ضلعی عہدہ سے احتجاجاً مستعفی
