سوات(باخبر سوات ڈاٹ کام) ملاکنڈ ڈویژن کے سات اضلاع میں پولیس نے جرائم پیشہ افراد کے خلاف خصوصی آپریشن کرکے 1230 مشتبہ افراد سمیت 66 مفرور ملزمان کو گرفتار کرلیا۔ ڈپٹی انسپکٹر جنرل آف پولیس ملاکنڈ ڈویژن محمد سعید وزیر کی ہدایت پر سوات، شانگلہ، بونیر، اپر، لوئر دیر اور چترال پولیس نے ایک خصوصی آپریشن کے دوران میں 1230مشتبہ افراد ، 66 مفرور ملزمان کو گرفتار کرکے5ایس ایم جی، 7 رائفل، 108پستول، 0.495گرام بارودی مواد، 229کلوگرام چرس، آئس، ہیروین اور1627لیٹر شراب برآمد کرکے ملزمان کو گرفتار کیا اور ان کے خلاف مقدمات درج کرائے۔
