اغوا برائے تاوان کا ڈراما رچانے والی لڑکی ذہنی مریضہ ہے، پولیس

سوات(باخبر سوات ڈاٹ کام) پولیس کا کہنا ہے کہ اغوا برائے تاوان کا ڈراما رچانے والی لڑکی ذہنی مریضہ ہے۔ اس نے دو ماہ قبل زہریلی دوا پی کر اقدام خود کشی بھی کیا تھا۔ پولیس کے مطابق رات گئے تک تفتیش کے دوران لڑکی اِدھر اُدھر کی ہانکتی رہی۔ جب ان کے والد تھانہ پہنچے، تو پتہ چلا کہ اس نے اس سے پہلے اقدام خودکشی بھی کیا ہے۔ پولیس کے مطابق لڑکی کے موبائل نمبر کا سی ڈی آر بھی نکالا گیا، لیکن اس میں بھی لڑکی کی کسی کے ساتھ بات چیت یا گینگ کا کوئی ثبوت نہیں ملا، جس کے بعد لڑکی کو والد کے ساتھ ضمانت پر رہا کردیا گیا۔