عالم گنج کا رہائشی معلم نامعلوم افراد کے ہاتھوں سخرہ کالا کوٹ میں قتل

سوات    (باخبر سوات ڈاٹ کام)   تحصیلِ چارباغ کے علاقہ عالم گنج سے تعلق رکھنے والے سرکاری مڈل سکول میں دینیات کے 56سالہ استاذ کو نامعلوم افراد نے تحصیل مٹہ کے علاقہ سخرہ کالا کوٹ میں قتل کردیا۔ پولیس کے مطابق محمد صابر ولد شیرا قط منگل کو گورنمنٹ مڈل سکول عالم گنج تحصیل چارباغ میں ڈیوٹی کے بعد سے غائب تھا۔ بدھ کو ان کی لاش سخرہ میں ملی۔ جہاں نامعلوم افراد نے ان کو قتل کرنے کے بعد جسم کے کچھ اعضا بھی کاٹ کر ساتھ لے گئے۔ مقتول کے بیٹے ذاکر کے مطابق ان کی کسی کے ساتھ کوئی دشمنی نہیں ہے۔ لاش کو پوسٹ مارٹم کے بعد ورثا کے حوالے کردیا گیا۔ پولیس نے نامعلوم افراد کے خلاف مقدمہ درج کرکے تفتیش شروع کردی۔