سوات (باخبر سوات ڈاٹ کام) مینگورہ میں سرکاری سکول کے استاد اور ان کے شاگردوں نے لاک ڈاؤن کے دوران سات ہزار سے زائدمستحق خاندانوں میں فوڈ پیکیج تقسیم کرنے کے بعد اب شہر میں افطاری تقسیم کرنے کا عمل شروع کردیا ہے۔ محمد عالم اور ان کے شاگرد اپنے رشتہ داروں اور حلقہ احباب سے پیسے جمع کرکے غریب اور نادار لوگوں میں افطاری تقسیم کرتے ہیں۔ سہ پہر چار بجے کے بعدلاک ڈاؤن شروع ہوجاتا ہے۔ شہر میں ریسٹورنٹ بند ہونے کی وجہ سے مسافر اور بازار میں موجود لوگوں کو افطاری اور خوراک کا بہت مسئلہ ہوتا ہے۔یہ رضاکار ہر روز بازار میں موجود درجنوں لوگ جن میں ڈیوٹی دینے والے پولیس اہلکار بھی شامل ہیں، کو افطاری اور کھانا فراہم کرتے ہیں
مینگورہ، سکول کے استاد اور شاگردوں نے افطاری تقسیم کا بیڑا اٹھا لیا
