ڈسٹرکٹ پبلک پراسیکوٹر سوات کی صدارت میں اہم اجلاس منعقد

(باخبر سوات ڈاٹ کام) ڈسٹرکٹ پبلک پراسیکوٹر سوات سعید نعیم خان کی صدارت میں ضلع سوات میں متعین پبلک پراسیکوٹرز، ایس پی انوسٹی گیشن اور پولیس تھانہ جات کے شعبہئ تفتیش کے ذمہ داران کا ماہانہ اجلاس منعقد ہوا، جس میں ضلع سوات میں فوجداری مقدمات کی تفتیش اور پراسیکوشن کی اہمیت پر تفصیلی تبادلہئ خیال ہوا۔ ڈسٹرکٹ پبلک پراسیکوٹر نے فوجداری قوانین میں ترامیم سے شرکا کو آگاہ کیا۔ انہوں نے پراسیکوشن اور شعبہئ تفتیش کے مشترکہ رول پر روشنی ڈالی اور کہا کہ دونوں اداروں کی مشترکہ کاوشوں کی بدولت ہی بہتر نتائج کا حصول ممکن ہے۔