بارامہ نوجوان قتل، پولیس قاتلوں کے قریب پہنچ گئی

(باخبر سوات ڈاٹ کام ) مینگورہ کے علاقہ بارامہ میں بے دردی کے ساتھ قتل ہونے والے 24 سالہ نوجوان سردار علی کے قاتلوں کے قریب پولیس پہنچ گئی ہے۔ گذشتہ روز نوجوان سردار علی کو قتل کرنے کے بعد ملزمان اُس کا سر تن سے جدا کرکے ساتھ لے گئے تھے جس کے بعد شہر میں خوف وہراس پھیل گیا تھا۔ پولیس ذرائع کے مطابق پولیس سائنسی بنیادوں پر تفتیش کر کے قاتلوں کے قریب پہنچ گئی ہے اور امکان ہے کہ آج یا کل پولیس قاتلوں کو گرفتار کرکے میڈیا کے سامنے پیش کریں ۔