سوات (باخبر سوات ڈاٹ کام) چارباغ میں جعلی اسسٹنٹ کمشنر سمیت 5جعلی افسران کو پولیس نے گرفتار کرلیا ۔ جاوید نامی شخص نے اپنے اپ کو اسسٹنٹ کمشنر اور خواتین سمیت باقی افراد کو اپنا سٹاف ظاہر کیا اور بازار کا دورہ کرکے دکانداروں سے نقد رقم کی مد میں جرمانہ وصول کرتا رہا ۔ چارباغ پولیس نے ایک اطلاع پر چھاپہ مار کر جعلی اسسٹنٹ کمشنر جاوید ولد عبدالجلیل سکنہ چکدرہ ،اکبر حسین ولد بسم اللہ خان سکنہ بٹ خیلہ ،محمد اقبال ولد اکبر حسین سکنہ گنبد میرہ مینگورہ ،(ر)دختر اکبر حسین سکنہ بٹ خیلہ اور (س)دختر محمد علی سکنہ اینگروڈھیرئی کو گرفتار کرکے اُن کے خلاف مقدمہ درج کردیا۔
جعلی اسسٹنٹ کمشنر سمیت 5جعلی افسران گرفتار
