سوات (باخبر سوات ڈاٹ کام) مینگورہ کے نواحی علاقہ میاں گانو چم اینگروڈھیرئی میں جائیداد کے تنازعہ نے دو سگے بھائیوں کی جان لے لی۔ دونوں بھائیوں نے ایک دوسرے کو فائرنگ کرکے قتل کردیا۔ ان کے علاوہ دو افراد زخمی بھی ہوئے۔ ایس ایچ او رحیم آباد اقبال نسیم خان کے مطابق مینگورہ کے میر خان خیل خاندان سے تعلق رکھنے والے دو بھائیوں ہادی خان میر خان خیل اور رستم خان میر خان خیل کے درمیان جائیداد کے تنازعہ پر تکرار ہوئی جس پر دونوں نے ایک دوسرے پر فائرنگ کردی، جس کے نتیجے میں دونوں جاں بحق ہوگئے۔ فائرنگ کی زد میں آکر ان کے دو بھتیجے اکرام اور نعمان بھی زخمی ہوگئے جن کو طبی امداد کے لیے ہسپتال منتقل کردیا گیا۔دونوں بھائیوں کی نمازِ جنازہ ایک ساتھ ادا کردی گئی جس کے بعد ان کو آبائی قبرستان میں سپرد خاک کردیا گیا۔
اینگروڈھیرئی،جائیداد کا تنازعہ، سگے بھائی قاتل بن گئے
