سوات (باخبرسوات ڈاٹ کام) سیدو شریف ہسپتال میں ڈاکٹروں اور عملہ کی غفلت کی وجہ سے خاتون کا ہسپتال کی انتظار گاہ میں بچے کو جنم دینے کی خبر پر وزیر اعلیٰ محمود خان کے حکم پر ڈپٹی کمشنر سوات نے ہسپتال جاکر واقعے کا چوبیس گھنٹوں میں رپورٹ پیش کرنے کا حکم دیا۔ گذشتہ روز ہسپتال کے عملہ نے ایک حاملہ خاتون کو کہا تھا کہ ان کی طبیعت ٹھیک ہے اور وہ دس دن بعد ہسپتال آجائے جس کے بعد گائنی وارڈ سے نکلتے ہی تکلیف شروع ہونے کے بعد خاتون نے ہسپتال کی انتظار گاہ میں بچے کو جنم دیا تھا۔ ڈی سی نے وزیر اعلیٰ کے احکامات کی روشنی میں ہسپتال کے ایم ایس کو ہدایت کی کہ وہ 24گھنٹے میں رپورٹ تیار کرکے ان کو پیش کریں جو وہ وزیر اعلیٰ کو پیش کریں گے۔
سیدو شریف ہسپتال، ڈاکٹروں اور عملہ کی غفلت کا وزیر اعلیٰ نے نوٹس لے لیا
