شاہدعلی خان کا تحصیل ناظم سے کونسل سے اعتمادکا ووٹ لینے کا مطالبہ

سوات (باخبرسوات ڈاٹ کام)  تحصیل کونسل بابوزئی کے اپوزیشن لیڈر شاہدعلی خان نے تحصیل ناظم اکرام خان سے کونسل سے اعتمادکا ووٹ لینے کا مطالبہ کردیا ۔ناکامی کی صورت میں تحریک عدم اعتمادلائیں گے۔تحصیل کونسل میں ہونے والی مبینہ بے قاعدگیوں کا نیب فوری نوٹس لیکر انکوائری کرے۔ان خیالات کا اظہار انہوں نے میڈیا سے گفتگو کرتے ہوئے کیا۔ انہوں نے کہاکہ تحصیل بابوزئی ملاکنڈ ڈویژن کا ہیڈکوارٹر ہے لیکن تحصیل ناظم اکرام خان نے اس علاقے کو ترقی کی بجائے تنزلی کی طرف دھکیلا ہے۔ انہوں نے کہاکہ ترقیاتی کاموں اور دیگر اخراجات پر اپوزیشن کو شدید تحفظات ہیں اور اب وہ کونسل میں اعتماد کھوچکے ہیں ۔