سوات (باخبرسوات ڈاٹ کام) تحصیل کبل کے علاقہ علی گرامہ میں 18 سالہ نوجوان نے اپنے باپ کو فائرنگ کرکے قتل کردیا۔ ایس ایچ او کبل اقبال نسیم کے مطابق ملزم قیصر علی کو والد نے والدہ کے ساتھ گھر سے نکال دیا تھا اور وہ چچا کے گھر میں رہ رہے تھے۔ جمعرات کو والد نثار علی نے بھائی کے گھر جاکر اپنے بیٹے قیصر پرقینچی سے وار کرکے زخمی کردیا جس پر بیٹے نے پستول سے اپنے والد پر فائرنگ کی جس سے وہ موقع پر جاں بحق ہوگیا۔ پولیس نے ملزم کو گرفتار کرلیا۔
کبل، 18 سالہ نوجوان کے ہاتھوں باپ قتل
