اکسفورڈ پبلک سکول عالم گنج میں سالانہ تقریبِ تقسیمِ انعامات

(باخبر سوات ڈاٹ کام ) اکسفورڈ پبلک سکول عالم گنج میں سالانہ تقریبِ تقسیمِ انعامات ہوئی جس میں نمایاں کارکردگی دکھانے والے طلبہ و طالبات میں انعامات تقسیم کیے گئے۔ اس موقع پر مہمانِ خصوصی ایس پی اپر سوات بخت زادہ نے کہا کہ ترقی یافتہ قوموں تعلیم کے ذریعے ترقی کی منازل طے کی ہیں۔ آج کے بچے کل کا مستقبل ہیں۔ ہمیں اپنے مستقبل پر سرمایہ کاری کرنا ہوگی، یعنی اپنے بچوں کی بہتر تعلیم و تربیت کے لیے وقت اور پیسہ دونوں لگانا ہوگا، تب کہیں جا کر ہم ترقی یافتہ قوموں کی صف میں کھڑے ہوں گے۔ اس موقع پر سکول کے پرنسپل ظہور الٰہی نے اس عزم کا اظہار کیا کہ وہ نونہالان وطن کی بہتر تربیت میں کوئی کسر اٹھا نہ رکھیں گے۔