شاہ ڈھیرئی، سسر نے بہو اور ایک شخص کو فائرنگ کرکے قتل کردیا

سوات   (باخبر سوات ڈاٹ کام)      تحصیل کبل کے علاقہ شاہ ڈھیرئی گودہ میں سسر نے بہو اور ایک شخص کو فائرنگ کرکے قتل کردیا۔ ایس ایچ او عثمان علی کے مطابق ملزم صالح محمد نے اپنی بہو 27 سالہ مسماۃ (س) اور 30 سالہ ارشاد احمد کو گھر کے اندر فائرنگ کر کے قتل کر دیا۔ پولیس کے مطابق مقتولہ کی شادی دس سال قبل صالح رحمان سے ہوئی تھی جس کی ایک چھ سالہ بیٹی ہے۔ مقتولہ کا شوہر اڑھائی سال سے بیرون ملک مقیم ہے۔ پولیس نے ملزم کو گرفتار کرکے اس کے خلاف دوہرے قتل کا مقدمہ درج کردیا۔ پولیس کے مطابق وجہ قتل، غیرت ہے۔