قمبر، گلی شیخ ملی بابا کی عمارتیں زیر آب، اہل علاقہ کا نوٹس لینے کی درخواست

(باخبر سوات ڈاٹ کام)سوات کے علاقے قمبرمیں گلی شیخ ملی بابا کے اطراف میں زیر تعمیرعمارتوں کے باعث قومی نالہ بند ہوگیا۔ پانی آبادی میں داخل ہوگیا۔ علاقہ مکینوں نے ڈپٹی کمشنر سوات سے کارروائی کی درخواست کردی۔ درخواست میں علاقہ مکینوں نے مؤقف اختیار کیا ہے کہ علاقے میں مارکیٹوں اورپلازوں کے مالکان نے قومی نالہ جو کہ پٹوار میں 12 فٹ متعین ہے کو جگہ جگہ پر بند کر دیا گیا ہے، جس کی وجہ سے موضع قمبر گاؤں اور اس کے پہاڑی کا سارا پانی محلہ اختر آباد شیخ ملی بابا کے مرکزی راستے میں بہہ رہا ہے۔اس پانی سے قبرستان اور تاریخی ورثے میں بزرگ شخصیت شیخ ملی بابا کے مزارکو بھی نقصان کا اندیشہ ہے۔ انہوں نے مطالبہ کیاکہ اس حوالے سے فوری طور پر نوٹس لے کر نالے کو واگزارکرایا جائے۔