(باخبر سوات ڈاٹ کام)خیبر پختونخوا فوڈ سیفٹی اینڈ حلال اتھارٹی سوات کی ٹیم نے زاید المیعاد اور ناقص خوراکی اشیا کے خلاف انسپکشن اور آگاہی مہم جاری رکھتے ہوئے تحصیل بابوزئی کے مختلف علاقوں میں کارروائیاں جاری رکھی ہیں۔ ایک ریسٹورنٹ کو انتہائی ناقص صفائی پر سیل کیا گیا جب کہ ایک شوارما پوائنٹ سے نان فوڈ سرکہ موقع پر تلف کرکے بھاری جرمانہ عائد کیا گیا۔ آگاہی مہم کے سلسلے میں حلال فوڈ اتھارٹی کے ڈپٹی ڈائریکٹر اسد قاسم نے ضلع سوات کے جید علما کے ساتھ بھی ملاوٹ کے خلاف نشست کا اہتمام کیا۔ اس سلسلے میں علما نے بھرپور تعاون کی یقین دہانی کروائی اور کہا کہ جمعہ کے خطبے میں ملاوٹ کے خلاف خصوصی وعظ کا اہتمام کیا جا ئے گا۔
کے پی فوڈ سیفٹی اینڈ حلال اتھارٹی سوات کی مہم جاری، ایک ریسٹورنٹ سیل
