رحیم آباد پولیس کی کارروائی، بین الصوبائی نو سر باز گروہ کے رکن گرفتار

(باخبر سوات ڈاٹ کام) راولپنڈی سے آئے ہوئے دو خواتین اور ایک مرد جو اپنے آپ کو مختلف ایمبیسوں سے ظاہر کرتے تھے، تمام نو سر باز کو رحیم آباد پولیس نے گرفتار کرلیا۔ ایس ایچ او محمد ایاز خان کے مطابق حمید، زوجہ حمید اور زوجہ شاہد ساکنان خیابان سر سید راولپنڈی لوگوں سے نو سر بازی کے ذریعے رقوم ہڑپ کرتے تھے۔ اطلاع پر پولیس نے تینوں ملزمان کو گرفتار کرکے ان سے عرب لباس سمیت مختلف لباس، ایک عدد موٹر کار، 85 ہزار روپے، ایک ہزار ریال، تین سو یو ایس ڈالراور 23گرام آئس برآمد کرکے گرفتار کرلیا۔